Кожны год у першы тыдзень верасня мы адзначаем Дзень беларускага пісьменства. Шчучынская раённая бібліятэка імя Цёткі падрыхтавала для ўдзельнікаў свята краязнаўчую станцыю «Шчучыншчына ў фокусе часу».
Унікальная калекцыя лялек пагружае наведвальнікаў у свет дзіцячых успамінаў. Літаратурны калейдаскоп «Свая зямля, свой шлях, свой лёс» знаёміць з творамі беларускіх аўтараў.
Адмыслова для самых маленькіх працуе інтэрактыўная дзіцячая пляцоўка «Цудоўны свет кніг» і творчая майстроўня, дзе юныя чытачы змогуць выявіць свае таленты.
У гульнёвай зоне прадугледжаны настольныя і рухомыя гульні на кожны густ, а фотазона стане выдатным месцам для стварэння незабыўных здымкаў.
Гэты дзень абяцае стаць сапраўдным святам для ўсёй сям’і, што аб’ядноўвае людзей вакол любві да слова.
