21 лютага Тур’янская сельская бібліятэка запрасіла выхаванцаў дзіцячага сада на паэтычную гадзіну “Мова родная – мова жывучая”, прысвечаную Міжнароднаму дню роднай мовы. Падчас сустрэчы бібліятэкар звярнула ўвагу прысутных на тым, якая прыгожая і мілагучная наша беларуская мова, на якой гаварылі нашы продкі. Дзеці з захапленнем слухалі і чыталі вершы , казкі, лічылкі знакамітых беларускіх пісьменнікаў У.Мазго, А. Вольскага, А. Зэкава і інш. Успомнілі, як прыгожа гучаць на беларускай мове ветлівыя словы “калі ласка”, “дзякуй”, “добры дзень” і іншыя. З вялікай цікавасцю разгадвалі загадкі. Да мерапрыемства была аформлена кніжная выстава “Жывое беларускае слова”. Сустрэча завяршылася праглядам мультфільмаў беларускіх народных казак.
