6 верасня бібліятэкар Навадворскай сельскай бібліятэкі разам з вучнямі пачатковых класаў Навадворскай сярэдняй школы здзейснілі гістарычнае падарожжа “Асветнікі зямлі беларускай”, прысвечанае Дню беларускага пісьменства. З вялікай цікавасцю навучэнцы слухалі пра гісторыю беларускай кнігі, жыццё знакамітых людзей, дзякуючы якім друкаванае слова, культура і асвета распаўсюдзіліся па ўсёй беларускай зямлі. Бібліятэкар расказала дзецям і пра юбілейны –XXX Дзень беларускага пісьменства, які святкаваўся 2 і 3 верасня у г. Гарадок Віцебскай вобласці, і іншыя гарады-сталіцы Дня беларускага пісьменства.
