Чарговае пасяджэнне літаратурна-музычнай гасцёўні “Ад усей душы” Шчучынскай раённай бібліятэкі імя Цёткі было прысвечана 80-годдзю з дня нараджэння нашай знакамітай пісьменніцы Валянціны Коўтун: “Лёсу маланкавы след”. Трываласць памяці пра пісьменніцу ўгрунтавана яе таленавітымі і шчырымі творамі і неймаверна цікавымі, смелымі вобразамі. Паэтычныя нізка вершаў В. Коўтун выткала адразу шыкоўны настрой у слухачоў і прадэманстравала шматпланавасць лірычных вобразаў і тэм . А калі ўсе разам зазірнулі на старонкі яе вядомых раманаў “Пакліканыя” і “Крыж міласэрнасці”, адзначылі галоўную адметнасць яе творчасці: гісторыя нашага народа не абышлася без слаўных імёнаў жанчын: Еўфрасінні Полацкай і Алаізы Пашкевіч. Аўтарка разам са сваімі гераінямі здзейсніла выбар, які вызначыў лёс пакаленняў.
